Свинските шницли во крем сос од печурки е како јадење од најдобриот ресторан, совршено и за свечени прилики и за секојдневни.
Потребни состојки:
- 4 свински котлети без коски
- 1 лажичка сол, или по вкус
- ⅓ лажичка бибер
- 2 лажици масло
- 2 лажици путер
за сосот:
- 240 гр свежи шампињони
- 2 лажици свеж магдонос
- 1 лажица свежа мајчина душица
- 4 чешниња лук
- 180 мл павлака за готвење
Подготовка:
Зачинете ги шницлите со сол и бибер. Загрејте ги маслото и путерот во тава на силен оган додека не се растопи путерот. Кога тавата е топла, пржете ги шницлите околу 3-4 минути од секоја страна додека не поруменат и центарот повеќе не е светло розев (пржете ги во серии доколку е потребно), а потоа оставете ги настрана.
Печурките исечкајте ги и додадете ги во тавата со путерот и пржете 3-4 минути на средна температура. Кога печурките ќе поруменат, додадете половина сечкан магдонос, половина сечкана мајчина душица и целиот лук, кој претходно многу ситно сте го исечкале. Пржете 30 секунди додека не замириса.
Истурете ја павлаката за готвење и варете на тивок оган 3-4 минути додека малку не се згусне. Зачинете со сол и бибер по ваш вкус. Вратете ги шницлите во сосот, оставете да се динста една минута. Украсете со преостанатите билки и уживајте.
