Тимот на Светска здравствена организација кој го истражува потеклото на COVID-19 во Кина соопшти дека вирусот најверојатно потекнува од лилјаците и оти најверојатно има уште едно животно домаќин како посредник.
– Тимот имаше опширни разговори со кинеските колeги и доби информации за епидемиолошките студии, биолошките и генетските анализи и ветеринарни истражувања, изјави портпаролот на СЗО, Кристијан Линдмајер.
Тој додаде дека имало и видеоразговори со виролозите и научниците од Вухан.
Епидемиологот Мајк Рајан од СЗО вчера истакна дека се можни изненадувања.
– Фактот дека алармот се запали во Вухан не значи дека заразата преминала од животно на човек, посочи Рајан.
