Руската вакцина наскоро треба да биде одобрена од СЗО, но сè уште не се знае точниот датум.
Портпаролката на СЗО Фадела Шаиб рече денеска дека СЗО е блиску до одлуката за одобрување на руската антиковид вакцина Sputnik, но не прецизираше кога вакцината ќе почне да се користи во итен случај.
„Полека ги решаваме повеќето прашања“, рече Фадела Шаиб на состанокот во Женева, пренесе Reuters.
Рускиот министер за здравје Михаил Мурашко изјави дека минатата недела се отстранети главните пречки за регистрација на Спутник во СЗО и останува уште да се дополни документацијата.
Да се потсетиме, се најавуваше дека треба да биде одобрена до средината на септември, меѓутоа процесот на одобрување сè уште трае.