Светската здравствена организација предупредува дека загадувањето на воздухот е уште поопасно отколку што се мислеше - бидејќи концентрацијата на опасни честички во воздухот во голема мера ги надминува препорачаните нивоа.
Седум милиони случаи на предвремена смрт годишно
Се проценува дека приближно седум милиони луѓе умираат предвреме секоја година од болести поврзани со загадување на воздухот. Во исто време, земјите во развој најмногу страдаат од нивната зависност од фосилни горива. СЗО го споредува ефектот на загадувањето на воздухот по однос на пушењето и нездравата исхрана. По ова, пред самитот COP26 во ноември, од 194 земји-членки се бара да ги намалат емисиите на стакленички гасови и да започнат активности поврзани со климатските промени.
Со децении, границите на она што се смета за прифатлива количина на загадување се намалени, а во Обединетото Кралство, на пример, дозволените граници за најопасното загадување се четири пати повисоки од максимално дозволените од СЗО.
Смртните случаи можеа да се избегнат
Според СЗО, „дури 80% од смртните случаи поврзани со ПМ2,5 честички би можеле да се избегнат доколку сегашните нивоа на загадување беа на ниво на оние што се предложени во упатствата“.
Неодамна објавените упатства ја преполовија максималната препорачана количина на изложеност на опасни честички наречена PM2,5.
Упатствата, исто така, бараат намалување на препорачаната граница и други микрочестички, на пример, PM10 се намалува за 25%. Други загадувачи вклучуваат озон, азот диоксид, сулфур диоксид и јаглерод моноксид. Загадувањето на воздухот е дополнително поврзано со болести како што се срцеви заболувања, срцеви напади и астма. Кај децата, постои можност загадувањето негативно да влијае на растот на белите дробови и да предизвика астма.
„Подобрувањето на квалитетот на воздухот може многу да ги ублажи климатските промени, а притоа да ги намали емисиите, што пак ќе го подобри квалитетот на воздухот“, велат од СЗО.
