Свет

Тајфунот Хагибис ја опустоши Јапонија, многу луѓе не се евакуираа

13. октомври 2019 - 10:59 | МИА/КАЈГАНА

Најмалку 19 лица загинаа, 16 се сметаат за исчезнати, а околу 100 се повредени во тајфунот Хагибис, кој предизвика поплави и лизгање на земјиштето и остави пустош зад себе во Јапонија.

Големи поплави има во централниот регион Нагану, каде попушти насипот, па реката Чикума ги поплави куќите, кои се во вода до првиот кат.

Жителите се терасите додека чекаат за помош, од каде мавтаат со бели крпи на хеликоптерите на јавната телевизиска мрежа НХК и јапонските сили за самоодбрана.

– Во текот на ноќта, издадовме препораки за евакуација на 427 куќи со 1.417 луѓе, изјави Јасухиро Јамагучи, шеф на службата за спасување во Нагано.

На околу 7,3 милиони Јапонци вчера им беше препорачана евакуација, по рекордните врнежи од дожд. Само неколку десетици лјади одговорија на тие препораки. Тие се сместени во спортски сали каде им се обезбедува вода, храна и ќебиња.

 

Коментирај