Во оваа застрашувачка анимација е прикажано како коронавирусот се рашири низ светот, почнувајќи од првите случаи во декември, 2019 година па до повеќе од 10 милиони заразени до јуни, 2020 година.
Видеото ги прикажува потврдените случаи од земја во земја, бројот на смртни случаи и процентот на смртност во секоја земја.
Пред само 8 месеци коронавирусот немаше ниту име, ескалираше од јануари. За кратко време ја обиколи планетата и со неверојатна брзина зарази над 13 милиони луѓе.
Дизајнери од компанијата Global Stats за создавање на анимацијата користеле податоци од Светската здравствена организација. Видеото прикажува како новите случаи на заразени растат во различни земји во светот.
Овој приказ е најдобра илустрација за тоа со што се бори светот во последните неколку месеци. Досега се заразени над 13,7 милиони луѓе, починати се 588.111, а активни случаи се над 4,9 милиони луѓе ширум светот.