Тајсон Фјури вели дека во боксот повеќе не го мотивираат пари, победа, титули, туку само се обидува да го спаси сопственото ментално здравје. Порача дека никогаш нема да се пензионира, па ако некој сака да ја земе шампионската титула ќе мора да се соочи со него.
Во интервју за BT Sports, Фјури интроспективно зборуваше за неговата ментална состојба.
„Откако го победив Дилиан Вајт во април, се колнам дека навистина мислев да се пензионирам. Никогаш во животот не сум бил посигурен во нешто. Бев три месеци вон рингот, ја пишував мојата трета книга, продуцирав песна и бев многу зафатен. Но, без боксот, се чувствував дека немам цел во животот“, изјави Фјури.
Потоа додаде дека не знае кога ќе се пензионира, иако зад него и пред него се многу операции.
„Многу сум себичен, требаше да останам во пензија, но алчно се вратив по уште. Потребно ми е тоа. Не можам да престанам, можеби ми треба лекарска помош. Не знам кога ќе престанам, имам 34 години и зад мене се многу операции, живеев ужасно нездрав живот надвор од рингот“, објаснува тој.
Во неговата исповед додаде дека не боксува за пари, ниту за победи или титула, туку боксува поради главата.
„Без боксот, мојата ментална состојба рапидно се влошува и не знам како поинаку да го задржам здравиот разум. Брутално сум искрен, зборувам од срце. Не знам како да престанам“, вели тој.
