Спортски претставници поставени од Талибанците му ветија на Меѓународниот олимписки комитет дека Авганистан ќе им дозволи на спортистите и тимовите да се натпреваруваат на меѓународно ниво.
Меѓународниот олимписки комитет веста ја објави вчера, откако неговата делегација во Катар се сретна со претставници на авганистанскиот спорт. Состанокот беше одржан во Доха.
„Во текот на состанокот, претставниците на Авганистан наведоа дека се залагаат за почитување на препораките на МОК. И двете страни го поддржуваат спортот на безбеден начин и без дискриминација. Разговорите беа конструктивни и се надеваме дека дијалогот ќе продолжи“, стои во соопштението.
Стотици спортисти и лица од спортот на различи начини во август побегнаа од Авганистан, со помош на странски спортисти, но и различни спортски организации.
Најважната вести е дека спортистите од Авганистан во февруари ќе учествуваат на Зимските олимписки игри во Пекинг. Националниот олимписки комитет на Авганистан останува меѓународно признат.
