Надворешна со лева од Лукаку, а Лаутаро без размислување со волеј во мрежата на Славија. Единствената дилема е дали поубава беше асистенцијата или самиот гол.
Синоќа во Лигата на шампионите беше постигнат гол за кој долго ќе се зборува. Интер во Прага славеше победа од 3:1, а токму третиот гол стана вирален.
Се играше 88-мата минута кога Ромелу Лукаку украде една топка од одбраната на Славија и помеѓу двајца противнички играчи мајсторски ја упати топката до Лаутаро во шестнаесетникот. Аргентинецот се потруди одлчичната асистенција од Белгиецот да ја зачини со волеј. Неодбранливо за голманот Онджеј Колар кој сѐ што можеше да направи беше само со поглед да ја испрати топката во сопствената мрежа.
Лукаку натпреварот го заврши со една асистенција и еден гол, а да не беше ВАР ќе прославеше хет-трик бидејќи дури на двапати судијата му поништуваше голови по ургенција на луѓето од ВАР собата.
Лаутаро постигна два гола.