Таткото и тренер на Хабиб Нурмагомедов почина во болница во Москва поради компликации од коронавирусот.
Светски познатиот тренер за боречки вештини, Абдулманап Нурмагомедов, добил срцев удар откако бил дијагностициран со коронавирусот. Итно му била направена бајпас операција по која во два наврата бил ставан во вештачка кома. Докторите велеа дека неговата состојба е сериозна, но стабилна, сепак на крајот ја загуби битката со смртоносниот вирус.
Таткото на Хабиб почина на 57-годишна возраст и светот на ММА ќе го памети како еден од најдобрите тренери по боречки вештини.
