Во Лос Анџелес синоќа беа доделени Американските музички награди (АМА). Водителка на шоуто беше Тараџи П. Хенсон, a со музички изведби настапија Џенифер Лопез, Меган Ди Сталион, Малума, Шон Мендес, Џастин Бибер и други.
Тејлор Свифт доби три награди – уметничка на годината, поп-рок изведувачка и најдобар музички спот, за песната „Сardigan”. Со тоа, таа го држи рекордот на најмногу освоени АМА награди.
Доџа Кет е најдобра дебитантка, а Џастин Бибер и Ден + Шеј ја добија наградата за најдобар дует или соработка, како и најдобра кантри-песна, за песната „10.000 hours“.
Џастин Бибер е најдобар машки поп/рок изведувач. Најдобра поп/рок група е „БТС“. Најдобра поп/рок песна е „Don’t Start Now”.
Во категоријата алтернативен рок, Твени уан пајлот ги победија Били Ајлиш и Тејм Импала.
Најдобри рапер и раперка се Џуси Ворлд и Ники Минаж. Најдобра рап-песна е „WAP” на Меган Ди Сталион и Карди Би.
Викенд и Доџа Кет се најдобри соул/ар-ен-би изведувачи.
Најдобри латино изведувач и изведувачка се Бед Бани и Беки Џи.
Најдобар албум за филмска музика е „Birds of Prey: The Album“.