Bosch ја претстави новата технологија што спречува странично лизгање на моторциклите.
Новата технологија има работен назив „slid mitigation“ што јасно укажува дека спречува странично лизгање на моторциклот при вртење во кривина.
Принципот на делување е прилично логичен и едноставен за сфаќање, додека изведбата е малку покомплицирана.
За почеток, има сензор што го детектира губењето на стисок и страничното лизгање. Откако ќе биде детектирано тоа, се ослободува млаз воздух од реервоарот, како во воздушните перничиња. Во овој случај, млазот воздух генерира сила што се „противи“ на страничното лизгање на моторциклот.
Лошата страна е што резервоарот има капацитет за само една реакција. Сепак, само една „божја рака“ понекогаш е пресудна, особено во вакви опасни ситуации.
Bosch паралелно развива неколку системи за безбедност на моторциклистите.
Во блиска иднина ќе ги претстави системите за проверување на „мртов агол“ и за предупредување пред потенцијален судар со друго возило, односно адаптивен темпомат што наскоро би можело да почне сериски да се вградува.
Први модели што ќе го добијат овој систем се Ducati Multistrada и KTM 1290 Super Duke.
