Како што наближува крајот на сезоната во домашните лиги, така почнуваат да се исцртуваат контурите на изгледот на првите две лиги за наредната сезона, а особено интересно во моментов делува втората лига која може да биде исполнета со куп екипи од главниот град.
Наредната сезона втората лига ќе има помалку екипи од сегашните 16. Сега директно испаѓаат 5, а само една оди во првата лига, додека три екипи од првата лига ќе испаднат во втората. Дополнително, три екипи (9, 10 и 11 место) ќе играат бараж со петте победници на третолигашките групи. Бараж ќе играат и второ и третопласираните екипи, но со два прволигаша. Така, наредната сезона втората лига ќе брои 14 екипи.
Моментално во втората лига има само две екипи од Скопје и тоа Скопје од Автокоманда и Шкендија 77 од Арачиново. Арачиново е село во близина на Скопје, но таму нема стадион па Шкендија 77 натпреварите ги игра во населбата Синѓелиќ. И двете грчевито се борат за влез во првата лига, ја бркаат Брегалница која го држи првото место. Да замислиме сценарио во кое на крајот од сезоната ниту една од овие две екипи нема да заврши на првото место, а доколку како второ и третопласирани играат бараж ќе го загубат. Во такво сценарио Шкендија 77 и Скопје и наредната сезона би играле во втората лига.
2/14 Шкендија 77 (Арачиново)
Одиме во првата лига. Таму веќе испадната е екипа на Шкупи од Чаир, која поради финансиски проблеми сезонава ја игра со младинци и руши негативни рекорди. Да замислиме (и се надеваме) дека Шкупи нема да се откаже од играње и ќе игра во втората лига наредната сезона, со каков и да е состав.
Во зоната за испаѓање во првата лига на три кола до крајот се Работнички од Дебар Маало и Македонија ЃП од Ѓорче Петров. И двете екипи имаат шанса да се спасат од директно испаѓање, но најмногу што можат е да играат бараж против второ и третопласираните од втората лига. Да замислиме сценарио во кое Работнички и Македонија ЃП ќе испаднат директно во втората лига.
5/14 Македонија ЃП (Ѓорче Петров)
Шампион на третолигашката група север, како што играат екипите од Скопје, е Еуромилк од Горно Лисиче. Оваа екипа има резервирано место во баражите за пополнување на втората лига. Таму за 4 места ќе се борат 8 екипи и тоа: три од втората лига и тоа Кожуф (Гевгелија), Тетекс (Тетово) и Саса (Македонска Каменица), и победниците на петте третолигашки групи и тоа: Борец (Велес), Камјани (Камењане), Влазними (Струга), Еуромилк (Скопје) и победникот на Истокот (Победа од Валнадово или Овче Поле од Свети Николе). Правилникот за бараж вели дека трите второлигаши не може да играат меѓу себе, што значи дека ќе има три натпревари второлигаш против третолигаш и еден дуел на два третолигаша. Да замислиме сценарио во кое Еуромилк е победник во баражот и обезбедува место во втората лига за наредната сезона.
Така, дури 6 од 14 екипи наредната сезона во втората лига може да бидат скопски. Во спротивно, во првата лига би останала само една екипа, Вардар.
Дали ќе се оствари ова сценарио, за кое има реални шанси, останува да видиме прво по викендот 23-24 мај кога се игра последното коло во првата и втората лига, а потоа и по одигрувањето на баражите за пополнување на овие две лиги.
Нема да е прв пат шест скопски екипи да има во втората лига. Токму 6 имало и во сезоната 2007/2008, но тогаш втората лига броеше дури 18 екипи.
2007/2008 (6/18): Алумина (Карпош), Локомотива (Карпош), Маџари Солидарност (Маџари), Металург (Железара), Скопје (Автокоманда) и Слога Југомагнат (Чаир).
По шест имало и во уште неколку сезони, но тогаш втората лига била поделена на две групи (Исток и Запад) и нормално било да има далеку поголеми шанси да има повеќе екипи од главниот град. Такви примери се сезоните:
1993/1994 (6/14): Техноком (Горно Лисиче), Маџари Солидарност (Маџари), Металург (Железара), Работнички (Дебар Маало), Скопје (Автокоманда) и Шкендија (Арачиново);
1994/1995 (6/17): Македонија (Ѓорче Петров), Маџари Солидарност (Маџари), Металург (Железара), Работнички (Дебар Маало), Скопје (Автокоманда) и Шкендија (Арачиново);
1999/2000 (6/18) : Алумина (Карпош), Балкан (Чаир), Бутел (Бутел), Маџари Солидарност (Маџари), Скопје (Автокоманда) и Шкендија (Арачиново);
