Новак Ѓоковиќ, според сите проценки, нема да може да настапи на УС Опен бидејќи властите на Соединетите Американски Држави не му дозволуваат да влезе во земјата како невакциниран.
Претходните денови многу американски тенисери му дадоа поддршка на Ѓоковиќ, а Австралиецот Џон Милман даде најконкретен пример за бесмисленоста на одлуката на американските власти.
На крајот на јули, Милман учествуваше на АТП турнирот во Атланта. Како што истакна, многу малку луѓе ги следат правилата за корона во САД, кои најдобро го чувствувал на своја кожа бидејќи се заразил со коронавирусот.
„Имам корона. Бев во САД и не добив чувство дека многу луѓе следат какви било правила или препораки во таа земја. Во ред е, но тогаш не можам да разберам зошто Новак Ѓоковиќ не може да влезе во земјата и да се натпреварува“, напиша 33-годишниот Милман.
„Да бидам јасен: ако сите во САД ги следат правилата, тогаш би поддржал дека може да се влезе во земјата само со вакцина. Но, според она што го видов, никој не ги следи, дури и турнирот дозволува невакцинираните да играат , а само 30% добиле бустер доза...“, додаде тенисерот кој е на 76. место во светот.
Милман играше против Ѓоковиќ во финалето на Јапонија опен во 2019 година во Токио, кога српскиот тенисер победи со 2:0 (6-3 и 6-2).
УС Опен започнува на 29 август, а потсетуваме дека Ѓоковиќ неодамна го освои Вимблдон и со тоа стигна до 21. Грен слем титула во кариерата.
