Тешка жрепка за Ѓоковиќ на Австралија опен

Извлечен е костурот за првиот Грен слем турнир во сезоната, Австралија опен. 10-кратниот освојувач на турнирот, Новак Ѓоковиќ, има тежок пат во Мелбурн.

Ѓоковиќ со бранителот на титулата, Јаник Синер, може да се сретне само во евентуалното финале. Меѓутоа во четвртфиналето го чека Карлос Алкарас, а во полуфиналето Александер Зверев.

Турнирот Ѓоковиќ ќе го започне против Американецот Нишеш Басавареди. Во второто коло ќе игра против Павел Котов или квалификант, а можни ривали во третиот круг му се Рајли Опелка, квалификант, Сумит Нагал или Томаш Махач.

Јаник Синер го отвора турнирот против Николас Јари од Чиле, а потоа продолжува на подобриот од дуелот Таро Даниел - Тристан Скулкејт.

Саша Зверев во првото коло ќе се соочи со Лука Пуј, а доколку победи во второто коло ќе се соочи со Лучано Дардери или Педро Мартинес. Негов проектиран противник во третото коло е Ник Кирјос, кој игра со Џејкоб Фарнли во првото коло.

Тејлор Фриц го започнува турнирот пред ЏејТи Бруксби, а Карлос Алкарас во првото коло ќе игра против Александр Шевченко.