Tesla Roadster, автомобилот лансиран во вселената пред неколку години, по грешка беше идентификуван како астероид.
Претходно месецов, Minor Planet Center (МПЦ) во Центарот за астрофизика „Харвард-Смитсонијан“, на оддалеченост од помалку од 240.000 километри од Земјата, го назначи Tesla Roadster како 2018 CN41, односно како Објект блиску до Земјата (Near-Earth Object - НЕО), вселенски објект што е доволно блиску до нашата планета за да претставува потенцијална закана или можност за проучување.
Сепак, МПЦ малку подоцна повторно се огласи и потврди дека оваа грешка ќе биде исправена, бидејќи 2018 CN41 не е астероид, туку автомобил.
Како што е познато, основачот и извршен директор на Tesla, Илон Маск, го лансираше Roadster во вселената во 2018 година користејќи ја ракетата Falcon Heavy, која исто така е во сопственост на неговата компанија SpaceX.
„Мојот автомобил орбитира околу Земјата и Марс“, напиша Маск на социјалната мрежа Х по објавувањето на веста за „астероидот“.
Во Roadster има кукла наречена Starman, а опремена е и со неколку камери чии снимки ги објави компанијата SpaceX.
Автомобилот беше лансиран во февруари 2018 година и е во орбитата каде што еден ден би можел да стигне до Марс, па дури и пошироко.
SpaceX постигна значителен напредок од лансирањето на Roadster, а неодамна го тестираше Starship, најмоќната ракета во светот. Неодамна беше завршено седмото лансирање. Компанијата исто така ги проширува своите капацитети во Бастроп, Тексас, со цел двојно да го зголеми производството на сателити Starlink до 2025 година.
