Американскиот производител на електрични возила соопшти дека унапредената верзија на електричната лимузина Model S забележа најдобар резултат во класата седани со 4 врати на познатата калифорниска стаза Лагуна Сека.
Со оглед на неверојатните перформанси на автомобилите на Tesla, многумина сметаат дека на овие возила не им е место на тркачките стази. Компанијата одлучи да ги побие овие верувања.
Од Tesla наведуваат дека прототипот Model S „Plaid“ направил круг на стазата на Лагуна Сека за 1 минута и 36,55 секунди и тврдат дека тоа е за цела секунда подобро време од досегашниот рекорд во класата на лимузини со 4 врати.
Овој резултат претставува големо охрабрување со оглед на тоа дека Tesla сака да се покаже како конкурентна на Porsche Taycan.
Освен тоа, Tesla потврди дека работи на развивање на високите перформанси на Мodel S, кој ја носи ознаката „Plaid“. Првиот човек на Tesla, Елон Маск на Twitter откри дека погонскиот систем на Model S „Plaid“ се состои од три електрични мотори.
Откако ќе заврши развојот на овој систем, „Plaid“ ќе биде понуден како опција со доплата на Model S, Model X и новиот Tesla Roadster.
„Plaid“ ќе биде достапна во втората половина на 2020 година.