Тихановскаја: Отворени сме за преговори со власта во Минск

Белоруската дисидентка Светлана Тихановскаја, од Литванија каде се наоѓа во егзил, се обрати пред Европскиот парламент изутринава и потврди дека опонентите на режимот на Лукашенко се подготвени за преговори со власта.

Тихановскаја беше поканета утрово да одржи говор пред комисијата за надворешни работи на Европскиот парламент. Таа ја повика Европската Унија и меѓународната заедница да го почитуваат суверенитетот на белорускиот народ, кој со недели мирно протестира против резултатите од изборите од почетокот на овој месец.

– Демонстрантите нема да се откажат, волјата на народот нема да биде скршена. Нашата цел е да постигнеме фер и слободни избори. Оттука ја изразувам нашата подготвеност да преговараме со властите и да назначиме преговарачи, спремни сме да разгледаме можност за посредување од страна на меѓународни организации, јас иницирав координативен совет со сите чинители во општеството и сите страни од политичкиот спектар, но властите одговорија со закани и заплашувања кон членовите на советот, изјави Тихановскаја пред европратениците.

Неформалната лидерка на опозициските движења во Белорусија истакна дека овие протести не се „ниту про, ниту анти Русија, ниту про, ниту анти ЕУ“.

– Ова е демократска револуција, битка на една нација да одлучи за самата себе, слободно и праведно да ги избере своите лидери и да одлучи за својата судбина, ова не е насилна револуција, рече Тихановскаја, повикувајќи ги сите страни и држави да го „почитуваат територијалниот интегритет на Белорусија“.

Протестите во Белорусија започнаа по изборите за претседател на 9 август, откако претседателот Лукашенко, на власт од 1996, се прогласи за победник. На овие избори немаше меѓународни набљудувачки мисии, а ЕУ и САД не ги признаваат резултатите и ги сметаат за фалсификувани.

Во име на европската дипломатска служба на денешната седница на комисијата за надворешни работи на Европскиот парламент се обрати и Хелга Шмит, генерална секретарка на Европската служба за надворешни работи.

ЕУ, рече таа, од блиску ја следи состојбата на терен во Белорусија и се спротивставува на било какво влијание од надвор.

– Она што е многу важно во оваа мобилизација е дека таа се однесува на слободен избор на лидерите и иднината, и не се сведува на бинарен избор помеѓу ЕУ и Русија, впрочем на протестите нема ни ЕУ знамиња, потсети Шмит.

Европската Унија „најстрого“ ја осудува бруталноста на властите кон демонстрантите, тортурата и деградирачкиот третман и повикува на ослободување на сите политички затвореници, истовремено фокусирајќи се на изготвување на санкции кои нема да го погодат обичниот народ и ревизија на односите ЕУ - Белорусија.

реклама

Ќе пукне ли? Русите распоредија војска, Америка испрати два воени брода

Read more

Се појави нов опасен тренд

Read more

Дали можете да пиете андол и аспирин откако сте примиле вакцина AstraZeneca?

Read more

Милијарда долари за да може Ever Given да излезе од Суецкиот Канал

Read more

Свет

Ќе пукне ли? Русите распоредија војска, Америка испрати два воени брода

Read more

Никогаш немало толку многу кокаин во Европа како сега

Read more

Првпат во историјата жена е главен уредник на Reuters

Read more

Тедрос: COVID-19 за неколку месеци може да се стави под контрола

Read more
 

Вести

Судот одреди 30-дневен притвор за Сашо Мијалков

Читај повеќе

Хераклеја Линкестис си го добива назад Римскиот пат

Читај повеќе

Обвинителството бара притвор за Мијалков: Тој е моќен човек

Читај повеќе

Поголем број на хоспитализации во текот на вчерашниот ден, ситуацијата е сериозна

Читај повеќе

Мијалков осуден на осум години затвор за „Трезор“

Читај повеќе

Ќе пукне ли? Русите распоредија војска, Америка испрати два воени брода

Читај повеќе

Агент за недвижнини оштетил потенцијални купувачи за 32 илјади евра

Читај повеќе

Се појави нов опасен тренд

Читај повеќе

Никогаш немало толку многу кокаин во Европа како сега

Читај повеќе