TikTok ги претстави првите креатори на кои ќе им плаќа за видео содржини кои ги објавуваат на популарната видео апликација. За наплата на содржини TikTok постави и одредени услови.
Вкупно 19 креатори ќе бидат исплатени за видео содржини. Меѓу нив е и д-р Фајез (@lifeofadoctor), лекар во брза помош, кој од почетокот на TikTok во 2019 година собра повеќе од 500.000 следбеници и познат е по разбивањето на заблуди поврзани со здравствената заштита и медицина. Тој на неговите следбеници им го прикажува секојдневниот живот на докторите.
Според Verge, TikTok низ фонд од 200 милиони долари сака да ги поттикне амбициозните креативци кои трагаат по можности за остварување приходи за живот,.
Не е познато за колку пари станува збор. Услови кои креативците треба да ги исполнат се: мора да бидат полнолетни, да имаат 10.000 пријатели и најмалку 10.000 прегледи во последните 30 дена, како и да објавуваат оригинална содржина која не ги прекршува правилата на компанијата.