Ако користите Tinder, новата опција ќе ве израдува.
Станува збор за овозможување на видеоповици, а во рамките на апликацијата опцијата ќе се вика Face to Face (Лице в лице).
Во јули, оваа опција беше во тест фаза. Корисниците во неколку земји имаа можност да ја испробаат, но уште тогаш Tinder соопшти дека ќе биде достапна за сите корисници.
Се разбира, приватноста ќе биде заштитена, така што апликацијата ќе побара ваша дозвола пред да започне видеоповикот и може да биде малку незгодно што другата личност нема да знае дека сте го активирале видеото, сè додека тој самата не го стори тоа.
Секако, за време на видеоразговорот мора да се почитуваат правилата на Tinder - без голотија, сексуална содржина, говор на омраза и слично. Екранот ќе биде поделен на два дела, така што вашето лице ќе се појави горе, а лицето на соговорникот подолу, пренесува Daily Mail.
Исто така, Tinder советува да не брзате со видеоповиците. Секогаш прво добро запознајте го соговорникот, или барем најдобро што е можно, и само тогаш започнете со овој вид комуникација.
Новата опција на Tinder се очекува да им помогне на сингл луѓето кои преку апликацијата бараат партнер, во време на пандемија да имаат можност да искомуницираат со потенцијалниот „кандидат“ пред да изберат да се сретнат во живо.
Повеќе за предизвиците на излегувањето на состанок во време на КОРОНА читајте ТУКА, а за безбеден секс во време на пандемија, читајте ТУКА.
