19-годишната Зара Радерфорд тргнува на патување во должина од 51.000 километри со својот ултралесен авион Shark, најбрзиот микроавион во светот.
Радерфорд, која има белгиско-британско потекло, им го трасира патот на девојчињата во STEM, со надеж дека ќе постави рекорд како најмладата жена што ќе лета самостојно околу светот следниот месец.
Откако ќе заврши, таа ќе биде најмладата личност што летала со микроавион околу светот и најмладата жена што самостојно летала околу светот свет. Актуелниот светски рекорд за втората категорија го држи Шаеста Ваиз, која го заврши патувањето на 30-годишна возраст. Радерфорд се надева дека ќе ги инспирира другите да одат по нејзините стапки.
"Сакав да летам околу светот. Нека ме видат девојките и нека помислат: Би сакала и јас да летам еден ден. Во авијацијата има разлика помеѓу мажите и жените. Затоа, мојата цел е да ги приближам рекордите, а потоа се надевам дека и други девојки ќе се обидуваат да го победат мојот рекорд и потоа ќе почнам да се натпреварувам со момчињата“, изјави Радерфорд за Reuters.
Нејзините родители, Беатрис де Смет и Сем Радерфорд, се пилоти, иако мајка ѝ имала измешани чувства кога Зара им ги соопштила своите планови.
„Кога првпат ми кажа за тоа, ми застана срцето. Ми требаше време да ја сварам информацијата. Сега сум толку горда и целосно, целосно ја поддржувам“, рече мајка ѝ.
Тинејџерката сама ќе го финансира патувањето, со помош на спонзори и се надева дека патувањето ќе го заврши за околу два до три месеци.