Marvel го објави првиот тизер за претстојниот суперхеројски филм Thunderbolts*, во кој главните улоги ги толкуваат Флоренс Пју и Дејвид Харбор, ѕвездите на Black Widow, и Себастијан Стен од Captain America и The Avengers.
Слично на Justice League на DC, Thunderbolts* следи група антихерои и криминалци испратени на тајна мисија од американската влада.
Улогите ги толкуваат Харбор, Пју, Стен, Хана Џон-Камен, Џулија Луис-Драјфус, Вајат Расел, Џералдин Вишванатан, Луис Пулман и Олга Куриленко.
Thunderbolts* е заснован на истоимениот стрип на Курт Бусиек. Режисер на филмот е Џејк Шрајер, а сценариото на Ерик Пирсон, Ли Сунг Џин и Џоана Кало. Продуцент е Кевин Фајџ.
Тизерот за Thunderbolts* собра повеќе од 10 милиони прегледи на YouTube за еден ден и беше проследен со ентузијастички коментари од фановите на социјалните мрежи.
„Можеби сум луд, но ова е единствениот филм на Marvel кој со нетрпение го очекувам во 2025 година“, напиша еден фан на X, додека друг додаде: „Едвај го чекам Thunderbolts*“.
„Дефинитивно ќе го гледам ова. Ми се допаѓа ликот на Џон Вокер и ме интересира какви ќе бидат интеракциите помеѓу него и Баки“, напиша корисник на Reddit.
Thunderbolts* ќе се прикажува во кината од 2 мај 2025 година.
