При тестирањето на новоразвиениот издувен систем што наскоро ќе биде дел од пакетот подобрувања на осмата генерација на Corvette, во американската тјунинг компанија Hennessey стигнаа до брзина од 330 км/ч.
Сигурно нема да бидат единствени, но од познатата тексашка тјунинг компанија Hennessey може да се пофалат дека се првите кои со Corvette од осмата генерација стигнале до 33 км/ч, а најдобро од сѐ е што Sealy тврдат дека остварената брзина на првата Corvette со централно сместен мотор ќе биде само увертира во приказната на тема „најпознатиот американски спортски автомобил“.
Опремена со нов издувен систем, оваа Corvette беше тестирана на овалната стаза во Тексас која познатата компанија Continental ја користи за тестирање гуми.
Зад воланот на „двоседот“ со 6,2-литарски V8 мотор (кој стандардно развива 500 коњски сили, а со помош на нитро-кит доби дополнителни 150) седна тркачот и прв човек на проектот Venom F5 на Hennessey – Џон Хејнриси, кому не му требаше многу време да постигне брзина од 330 км/ч.