Селекторот на кошаркарската репрезентација на Македонија го објави списокот на повикани играчи за претстојните квалификациски натпревари за пласман на Евробаскет 2021.
Селекторот Александар Тодоров одбра 15 кошаркари со кои ќе ги почне подготовките, а кои потоа и ќе бидат во комбинација за натпреварите со Естонија и Русија.
Прво на 20-ти месецов во салата „Борис Трајковски“ во Скопје Македонија ќе ја пречека Естонија, додека три дена подоцна ќе играме со Русија на гости во градот Перм.
Повикани играчи:
Војдан Стојановски - Гравлин-Данкерк, Франција
Шејн Витингтон - Реал Бетис, Шпанија
Стојан Ѓуроски - Евро, Франција
Ненад Димитријевиќ - Жувентуд, Шпанија
Андреј Јакимовски - Торино, Италија
Марко Миловановиќ - ЈуВи Кремона, Италија
Андреј Магдевски - МЗТ
Андреј Маслинко - МЗТ
Бојан Крстевски - МЗТ
Дамјан Стојановски - МЗТ
Кристијан Николов - МЗТ
Љубомир Младеновски - Работнички
Виктор Ефремоски - Работнички
Филип Бакоч - Еуро Никел
Марко Симоновски - без клуб
Собирот на репрезентацијата е закажан за утре кога ќе почне со заедничка вечера, а од четврток кошаркарите ќе тренираат по двапати дневно. В недела предвиден е и тренинг натпревар.
