Доживување на Октоберфест или кригла пиво и колбаси во некоја од старите пивници во Минхен - Баварија има многу повеќе што да понуди.
Од замоците како од бајките, до чудата на Берхтесгаден, Баварија е едно волшебно место кое дефинитивно ќе ве маѓепса - доколку ѝ дозволите.
Баварија е една од 16-те сојузните покраини кои ја сочинуваат Германија и веројатно најпознатата. Се наоѓа на самиот југоисток и има меѓународни граници со соседните држави Чешка и Австрија.
Овој дел од Германија е пребогат со историја почнувајќи уште од антиката кога тука живееле Келтите кои потоа биле потиснати од германското племе Бајуварии. Името Баварија произлегува токму од племето Бајуварии кое значи „луѓе од Баја“, што многумина сметаат дека е Бохемија, татковината на келтското племе Боии.
Денес во Баварија живеат нешто повеќе од 13 милиони жители, а територијата на сојузната покраина е 70.550,19 квадратни километри. Главен и најголем град е Минхен (6,1 милион жители), а таму се наоѓаат и градовите Нирнберг, Аугсбург и Регенсбург.