Европа ја зафати топлотен бран што се движи кон Балканот, а на делови од Стариот континент се очекуваат температури над 40°C во следните денови.
Најтопло ќе биде во Португалија, Шпанија и Франција каде сигурно ќе има температури над 40 степени Целзиусови.
Поштедени ќе бидат скандинавските земји – во Шведска и Норвешка поради ладниот бран од Атлантикот температурите деновиве ќе се движат до 18°C. Можно е зголемување на температурите во текот на викендов.
Во јужните делови на Европа и крајбрежјето на Турција највисоките температури ќе бидат до 33°C.
Сончево и многу топло ќе биде на Балканот, со бранови жежок воздух што доаѓаат од Унгарија и Германија, како и температури до 39°C.
Во соседна Грција се очекуваат температури и до 41°C за време на продолжениот викенд.
Топлиот бран што го зафати и Медитеранот најмногу ќе се одрази на Грција, каде мало заладување се очекува дури на 2 август.