Доколку македонскиот претставник го елиминира Ботошани, тогаш во третото коло ќе игра против премиерлигашкиот великан Тотенхем. Така реши денешната жрепка.
УЕФА навреме ги испланира и двојките за третоко квалификациско коло од Лига Европа, иако допрва треба да се одигра второто. Она што ја интригира македонската фудбалска јавност е дека доколку Шкендија успее да го еклиминира романскиот претставник Ботошани, тогаш во третото коло во Скопје ќе го донесе тимот на Тотенхем. Предводен од Жозе Мурињо, тимот од Лондон во Македонија би дошол со низа ѕвезди како Хари Кејн, Сон Хјон-мин, Иго Лорис, Деле Али... Тотенхем треба прво да го мине бугарскиот Локомотив од Пловдив, во што никој не се сомнева.
Можните противниците ги дознаа и дригите два македонски претставници. Доколку Ренова приреди изненадување и го елиминира хрватскиот гугант Хајдук, тогаш ќе игра со подобриот од дуелот на Галатасарај и Нефтчи.
Силекс, доколку ја мине косовска Дрита, ќе патува во Полска на мегдан со варшавска Легија.
Двојки за 3. квалификациско коло:
Ботошани (Романија)/Шкендија - Тотенхем (Англија)/Локомотив П. (Бугарија)
Ренова/Хајдук (Хрватска) - Нефтчи (Азербејџан)/Галатасарај (Турција)
Легија (Полска) - Силекс/Дрита (Косово)
Натпреварите ќе се играат на 24 септември, за жал без публика. Бидејќи се игра само еден натпревар, без реванш, доколку по 90 минути нема победник, ќе се играат продолженија од двапати по 15 минути, а доколку и натаму резултатот е нерешен ќе следуваат пенали.
Победниците ќе се пласираат во плеј-офот, последната пречка пред групната фаза.
