Неверојатно е како премиерлигашот лесно се разделува со ангажираните тренери, на кои потоа мора да им исплаќа баснословни суми поради предвремен раскин на договорите.
Откако Тотенхем се раздели со Антонио Конте, иако пристигна веста била разделбата била взаемен договор, а не отказ, всушност лондонскиот клуб сепак ќе мора да му исплати на Италијанецот значителна сума. Токму тој взаемен договор е нешто што Конте успеал да го добие со преговори - 4,5 милиони евра само за Конте да си замине од клупата.
Ова е не прв пат Тотенхем да плаќа милиони само за да се ослободи од тренерите. Не е ни втор, ниту трет пат. Тотенхем има цела историја на вакви случаи, а со Конте всушност и најдобро минал.
Во изминативе 10 години Спарс платиле дури 62,5 милиони евра на име отштета за предвремен раскин на договор на тернер.
Речиси петте милиони на Конте се ништо во споредба со она што некои други го земаа од Тотенхем - само Жозе Мурињо им лапна 23 милиони.
Тренери кои во изминатите 10 години се збогатија од Тотенхем само за да си заминат:
23 милиони - Жозе Мурињо (20 ноември 2019 - 19 април 2021)
16 милиони - Нуну Ешпириту Санту (30 јуни 2021 - 1 ноември 2021)
14 милиони - Маурисио Почетино (27 мај 2014 - 19 ноември 2019)
5 милиони - Андре Вилаж-Боаш (3 јули 2012 - 16 декември 2013)
4,5 милиони - Антонио Конте (2 ноември 2021 - 26 март 2023)
