Toyota минатата година најави еден нов и необичен проект, а тоа е роверот кој ќе биде лансиран на Месечината.
Toyota, заедно со Јапонската вселенска агенија JAXA развиваат ровер, а досега се објавени и рендери за тоа како би можело да изгледа.
Двете компании соопштија дека нивниот ровер ќе го носи името Toyota Lunar Cruiser.
Името Lunar Cruiser е избрано „поради познатото чувство кое го буди во луѓето кои се дел од развојот и производството на овој прототип на ровер“, велат од компанијата.
Toyota и JAXA вредно работат на конструирањето на првиот прототип на роверот, а најголемиот предизвик им се гумите кои мора да бидат направени од цврст материјал. Внатрешноста на роверот ќе биде под притисок за да може да престојуваат патниците во него.
Ако сè се одвива според планираното, JAXA ќе го лансира роверот Lunar Cruiser на Месечината во втората половина од оваа деценија.