Во време кога во САД се отстранува знамето на Конфедерацијата, претседателот Доналд Трамп изјави дека тоа е горд симбол на Југот и одби да го квалификува како навредливо.
„Тоа зависи од тоа со кој зборувате кога правите муабет за знамето. Кога луѓето гордо ги веат нивните конфедерациски знамиња, тие не мислат на расизам. Тие го сакаат своето знаме кое го претставува Југот. Тие го сакаат својот Југ.... Јас велам дека се работи за слобода на многу нешта, но сепак е слобода на израсување“, рече Трамп на гостувањето во Fox News Sunday.
Поради притисок на дел од јавноста, многу јавни установи почнаа да го отстрануваат знамето на Конфедерацијата. Конфедеративни членки на Америка се викала државата на државите од Југот кои биле поразени во Граѓанската војна, а ги одликувало тоа што залагале за продолжување на ропството, со расна дискриминација во која белците биле примарната раса. Барањата на одредена група на луѓе одат дотаму што се бара и отстранување на споменици на значајни личности од Конфедерацијата. При неодамнепните протести многу такви споменици беа сквернавени и турнати.
Сојузната држава Мисисипи веќе го отстрани конфедеративниот симбол од своето знаме и сега е во потрага по нов дизајн.
Трамп остро се спротивставува на забраната за употреба на конфедеративното знаме.
„Ние не можеме да ја избришеме нашата историја. Не можеме да заборавиме дека Северот и Југот водеа војна“, изјави Трамп.
