Поранешниот американски претседател ги објави плановите за лансирање на своја социјална медиумска платформа, нарекувајќи ја „обид за борба против тиранијата на големите технолошки компании“. Ова доаѓа откако се обрати до судот да му бидат вратени налозите на Twitter и Facebook.
Доналд Трамп новата социјална мрежа ја најави како дел од целосно нова медиумска групација наречена Trump Media & Technology Group, или скратено TMTG. Најваи дека оваа интернет новина ќе биде готова на почетокот од наредната година и ќе служи како „ривал на либералниот медиумски конзорциум“ стациониран во Силиконската долина.
„Ги создадов TRUTH Social и TMTG за да им се спротивставам на големите технолошки компании. Живееме во свет каде талибанците имаат огромно присуство на Twitter, но вашиот омилен американски претседател е баниран. Тоа е неприфатливо“, вели Трамп во соопштението со кое ја најави новата социјална мрежа, додавајќи дека платформата „ја создаваме со цел да им дадеме право на глас на сите“.
„Возбуден сум што наскоро ќе ги споделувам моите мисли преку TRUTH Social и ќе се борам притив големите технолошки компании. Сите ме прашуваат зошто никој не им се спротивставува? Епа, наскоро ни ќе им се спротивставиме“.
TMTG ќе почне со бета-тестирање наредниот месец, но само за одредени корисници. Во план е воведување и видео платформа наречена TMTG+.
