Доналд Трамп ѝ се обрати на јавноста по очигледната победа што ќе ја оствари на претседателските избори.
„Ви благодарам на сите, ова е одлично. Ова е движење што никој досега не го видел. Ова е најголемото политичко движење на сите времиња. Никогаш немало вакво движење во Америка. И сега ќе достигне ново ниво на важност. Ќе ја излечиме Америка. Сѐ ќе средиме кај нас. Поминавме пречки за кои многумина мислеа дека е невозможно да се преминат. Ова е политичка победа каква што Америка никогаш не видела. Сакам да му се заблагодарам на американскиот народ за поддршката“, изјави Трамп
„Ќе се борам за вас, вашите семејства, вашата иднина. Нема да застанам додека не испорачаме силна и просперитетна Америка. Ова ќе биде златно доба за Америка. Ќе ве направиме горди и среќни. Сакам да погледнете наназад еден ден и да бидете горди што гласавте за оваа група луѓе зад мене“, додаде Трамп.
Трамп официјално има 266 електорати, а за победа се потртебни 270. Води во неколку клучни држави како Ариозна, Невада и Алјаска, каде гласовите сѐ уште се пребројуваат. Камала Харис моментално има 219 електорати.
