Зимскиот преоден рок беше отворен на почетокот на годината и секојдневно стигнуваат нови информации и шпекулации за големи трансфери кои имаат потенцијал да ја сменат играта.
Една таква гласина е дека италијанскиот гигант веќе почнал со преговори со Марио Манџукиќ, поранешната ѕвезда на ривалот Јувентус, кој последно играше за катарски Ал Духаил.
Хрватскиот напаѓач веќе некое време сака да се врати во некоја од петте најјаки лиги, а зајакнатиот Милан се чини како многу добра опција во моментов.
Наводно Малдини веќе го убедил да дојде во клубот и Манџукиќ се очекува да потпише за „росонерите“ договор за до крајот на сезоната. Се шпекулира дека договорот е тежок 2 милиони евра, со опција за продолжување на уште една сезона.
Се очекува договорот на 34-годишниот Манџо да биде склучен во текот на викендов.