Француската компанија Carmat соопшти дека за го продала првото целосно вештачко срце, познато како Aeson, кое потоа било всадено кај пациент, во болница во Неапол, отворајќи го патот за понатамошен комерцијален развој.
Имплантацијата на целосно вештачко срце ја изврши кардиохирургот Чиро Маиело во еден болнички центар во Неапол, кој во Италија спаѓа во водечките според знаењето и искуството во врска со употребата на вештачко срце.
Ниту едно вештачко срце Aeson досега не било искористено надвор од клиничките студии, рече портпаролката на Carmat, додавајќи дека трошоците за операцијата од 150.000 евра биле покриени од регионалниот здравствен систем, кој очекува надомест од националниот Институт за јавно здравје.
Вештачкото срце на Carmat е наменето за сите пациенти кои страдаат од хронична срцева слабост или акутна инсуфициенција по срцев удар. Изумот треба да им помогне на сите срцеви пациенти кои страдаат од коронарна срцева болест и артериска хипертензија.
По соопштувањето на веста, акциите на Carmat на Париската берза скокнаа за 6,77 проценти, на 23,53 евра.