Македонската репрезентација на 7 и 10 септември ќе се соочи со Фарски Острови и Ерменија, во рамки од новата сезона во Лигата на нации. Новакот во репрезентацијата, Кристијан Трапановски, размислува оптимистички во пресрет на првиот гостински дуел против Фарските Острови.
„Задоволство ми е што сум дел од националниот тим на Македонија. Се надевам дека ќе ја искористам оваа шанса и ќе ги покажам моите квалитети. Групата ме пречека одлично, се чувствувам супер, се чувствувам како долго време да сум тука иако ми е прв пат“, вели Трапановски.
„Нашата цел е да освоиме што е можно повеќе бодови, ако е можно да ги победиме сите натпревари и да се пласираме во следната рунда. Фаворити сме, но во денешно време нема лесни противници“.
„Сметам дека ние како тим сме многу поквалитетни од Фарските Острови. Теренот и времето нема да прават проблеми ако ние бидеме на вистинското ниво, ќе ги освоиме трите бода“.
Трапановски има еден настап за репрезентацијата, но во оној ФИФА неофицијален контролен меч протиов саудиска Арабија на гости. Тогаш Саудијците се подготвува аза Мундијалот во Катар, па инсистираа не само да не биде официјален, туку и да нема ни публика ни пренос. Македонија тогаш играше со трет состав, а најмногу играчи беа од домашната лига.
Натпреварот Фарски Острови - Македонија се игра во сабота од 15:00 часот, а директен пренос ќе има на МРТ1.
