Џејн Сибет, позната по улогата на Керол - поранешната сопруга на Рос - во Friends, откри дека не ги гледала сите епизоди од легендарната серија што се гледаше ширум светот.
„Ја немам изгледано, признавам“, изјави Сибет во разговор за The Post по повод 30-годишнината од премиерата на серијата, која првпат се емитуваше на 22 септември 1994 година. Иако ги гледала сцените додека се снимале, серијата не ја следела на телевизија.
„Бев многу зафатена со растење деца и едноставно немав време да го гледам она што веќе сум го работела“, додаде актерката.
Сибет стигнала до половина од втората сезона кога нејзината најмлада ќерка Вајолет, тогаш 12-годишна, изразила желба да ја гледаат серијата заедно. Иако планира да продолжи, уште не ги завршила сите десет сезони
„Навистина треба да ја гледам бидејќи знам дека е неверојатна. Уживам секогаш кога гледам“, вели Сибет, која сега е мајка на три деца и баба на две деца.
Интересно е тоа што Сибет првично се пријавила за улогата на Рејчел Грин, која подоцна ѝ припадна на Џенифер Анистон. Таа ги воодушевила продуцентите, но морала да се откаже бидејќи била бремена.
„Агентот и менаџерот ми рекоа: ‘Ја доби улогата, те сакаат’. Ги прашав: ‘Дали им кажавте дека сум бремена?’“, се сеќава таа.
Сепак, среќата повторно ја спои со серијата. По раѓањето на синот, Сибет добила повик да ја замени актерката која првично беше избрана за улогата на Керол.
„Дејвид Швимер беше неверојатно смешен и веднаш знаев дека сакам да работам со него“, вели таа. Син ѝ имал само два дена кога првпат стапнала на снимањето на Friends.
Керол, која ја игра Сибет, беше поранешната сопруга на Рос која се заљуби во Сузан, која ја игра Џесика Хехт. Нивната венчавка во 1996 година влезе во историјата како прва лезбејска свадба прикажана на телевизија.
