По објавувањето тизерот за третата сезона на „Dark“ минатиот месец, Netflix сега го објави целосниот трејлер за последната сезона на популарната германска серија.
Новата сезона ветува апокалиптичен кошмар, многу натприродни заплети и пресврти.
„Од кое време доаѓаш?“, Јонас ја прашува Марта во почетокот на трејлерот. „Не станува збор за тоа од кое време доаѓам, туку од кој свет“, му одговара таа, а трејлерот продолжува со сцена во која огромна празнина го проголтува селото Винден.
Подоцна во трејлерот се слуша глас кој вели: „Вети дека ќе има начин да се смени сѐ“, што најавува дека ликовите нема да може да побегнат од нивните судбини.
Третата и последна сезона на „Dark“ гледајте ја на Netflix од 27 јуни.