Три англиски клуба се заинтересирани за централниот дефанзивец на Барселона, Самуел Умтити, објави L'Équipe.
За него се заинтересирани Манчестер Јунајтед, Манчестер Сити и Челси.
Умтити конечно го остави кошмарниот период со повредите зад него и се чини дека се враќа во форма. Играше на два натпревари за Барса, без да почувствува проблеми.
Договорот на Самуел со Каталонците е до 2023 година, а тој неколкупати изјави дека има намера да го продолжи.
Целта е да се врати во форма и да има удел во успесите на тимот.
