Ако вежбате некое време, а резултатите никако да се појават, голема е веројатноста дека сте виновни за некои од овие фитнес гревови.
Одржувањето здрава телесна тежина има свои предизвици, од балансираната исхрана, здравите навики до редовната физичка активност, но што кога ви се чини дека правите сѐ како што треба, а резултатите изостануваат?
Можеби сепак некаде грешите при вежбањето, па проверете дали можеби не правите еден од трите кардинални фитнес гревови.
Дали секогаш вежбате на иста опрема или секогаш трчате по истиот пат, ден по ден? Без разлика дали сакате да го подобрите тренингот и да останете во топ форма или едноставно да не го саботирате тренингот, важно е да вежбате разнолично. Покрај тоа што ќе делувате на различни мускулни групи со различни вежби, избегнувањето на рутината ќе го направи вежбањето позабавно. Ако секогаш правите исклучиво кардио вежби, пробајте пилатес за промена, на пример.
По напорниот тренинг, дали се наградувате со сладолед или некој друг десерт? Само затоа што сте изработиле солиден тренинг не значи дека треба да го зголемите внесот на калории, особено ако вежбате за да изгубите неколку килограми. Наградете се понекогаш со некој десерт, но секојдневно, обезбедете му на телото доволно квалитетна храна која ќе ви даде енергија и која нема да ви наштети на напорите за слабеење или одржување на тежината. И во никој случај не дозволувајте шолја топло чоколадо да стане рутина после тренингот!
Дали мислите дека сте на вистинскиот пат само затоа што се потите секој ден? Можеби... А можеби и целосно грешите. Многу фитнес тренери забележале дека луѓето често ги изведуваат вежбите на сосема погрешен начин. Многумина не знаат како правилно да користат одредени справи и помагала, со кои тегови да вежбаат и кои справи е најдобро да се користат за да се постигне саканата цел. Само затоа што редовно посетувате теретана не значи дека навистина придонесувате за благосостојбата на вашето тело. Дури и ако мислите дека знаете како да вежбате, прашајте ги фитнес инструкторите за совет и не претпоставувајте, туку бидете сигурни.
