Адитја Синг од Калифорнија незабележано живеел на меѓународниот аеродром O'Hare International Airport во Чикаго скоро три месеци.
Синг решил да се „смести“ на аеродромот поради страв да не биде заразен со COVID-19. Токму тоа ѝ го кажал на полицијата пред неколку дена, кога беше уапсен за кражба и неовластено влегување во забранетата зона на аеродромот.
Според обвинителството, Синг е магистер по угостителство, а инаку живее во Калифорнија. Откако ќе плати кауција од 1.000 долари, ќе му биде забранет влез на аеродромот.
Наводно, тој пристигнал на аеродромот на 19 октомври, а пред само два дена му пришла полицијата и му побарала лична карта. Тој им ја покажал картичката за идентификација на управителот на аеродромот, што се покажа дека била украдена, а кражбата била пријавена на 26 октомври.