Мајмунските сипаници се шират преку близок контакт. Според Американскиот центар за контрола и превенција на болести, тоа значи дека можат да се пренесат преку оштетена кожа, дишни патишта или слузница како што се очи, нос или уста.
- низ големи респираторни капки
- директен контакт со телесни течности или лезии
- контакт со контаминирана облека или постелнина
Од Центарот предупредија дека секој може да добие мајмунски сипаници, болест која глобално се шири меѓу хомосексуалците и бисексуалните мажи. Но, мајмунските сипаници не се полово пренослива болест.
„Секој може да пренесе мајмунски сипаници во контакт со телесна течност, рани или респираторни капки кога е во близина на заразен“, вели д-р Џон Брукс, главен медицински службеник од Одделението за превенција на ХИВ/СИДА во Центарот .
Општиот ризик од зараза со мајмунски сипаници е низок.
Кај луѓето заразени со мајмунски сипаници може да се развие отекување на лимфните јазли, главоболка, исцрпеност, болки во мускулите и температура. Еден од карактеристичните знаци на зараза е осип по лицето или телото кои се претвораат во испакнати акни кои стануваат меурчиња пишува Eat This, Not That.
Заболените се најмногу заразни додека имаат осип. Болеста може да трае две до четири недели, а повеќето закрепнуваат без лекување.
