Водата е секогаш најдобриот избор за гасење на жедта, но не мора само да пиеме вода додека сме на диета. Постојат пијалаци кои нема да го забават процесот на слабеење бидејќи не содржат премногу калории, а истовремено ќе ве освежат слично како и водата.
Нутриционистите Бил Бредли и Аманда Лејн одвоија три пијалаци кои се најдобрата опција за пиење и освежување додека сте на диета.
Кога зборуваме за здрав напиток кој ќе ја поттикне работата на метаболизмот, зелениот чај е најдобрата опција. Не само што е богат со антиоксиданси и нема калории, изобилува со здрави состојки. Содржи антиоксиданси кои го забрзуваат разградувањето на маснотиите и го забрзуваат метаболизмот. Кофеинот во него ќе ви даде енергија па полесно ќе тренирате.
Содржи и антивоспалителни својства кои помагаат во борбата против канцер.
Уште една вкусна опција без калории за оние кои се на диета е газираната вода со вкус. Лејн советува токму овој напиток да го одберете ако броите калории бидејќи не ги содржи, а можете да ја носите насекаде со вас. Одлична опција е за оние кои сакаат многу да пијат вода, но во неа им недостига вкус.
Постојат најразлични верзии и вкусови, па нема да имате проблем со тоа.
Ако сакате сокови, наместо овошен одберете сок од зеленчук, особено ако сте на диета.
„За разлика од овошните сокови овој од зеленчук не содржи шеќери и има помалку калории, а е богат со хранливи состојки“, советува Бредли.
