Заминувањето на Чави од клупата на Барселона и доаѓањето на Ханси Флик на неа ќе ги промени веќе одредените судбини на неколку играчи на каталонскиот гигант.
Меѓу нив е и тој на Роберт Левандовски, полскиот напаѓач од кого Чави сакаше да се ослободи. Левандовски (35) е под договор до летото 2026 година.
Во последната сезона постигна 19 гола и забележа осум асистенции на 35 првенствени натпревари, а вкупно постигна ефект од 26 гола и девет асистенции на 49 натпревари.
Чави немаше да се потпира на него следната сезона. Тоа го пишуваат шпанските медиуми и откриваат што му пречело на поранешниот тренер на Барса кај полскиот напаѓач.
Двете причини поради кои одлучил да го продаде биле тактички. Чави веруваше дека Левандовски нема доволно енергија да ја притисне бековската линија на противничките екипи, но и дека не дава доволно во играта без топка. Исто така, сакаше напаѓач кој подобро ќе ја поврзе играта, што не го доби од Левандовски, истакнуваат шпанските медиуми.
Чави имаше уште една причина за заминувањето на Левандовски. Наводно го обвини Полјакот за недостатокот на емпатија кон младите играчи во тимот. Тој имал преголеми очекувања од играчите кои се само во фаза на фудбалско созревање и истакнал квалитети кои Чави не сакаше да ги види во лидерот на соблекувалната.
Шпанските медиуми очекуваат дека со доаѓањето на Флик во Барселона ќе се промени и ситуацијата околу Левандовски. Двајцата соработуваа успешно во Баерн, а Флик секако очекува продолжување на успешната соработка во новиот клуб кој го презема.
