Очигледно беа залудни предупредувањата на Путин до Финска да не се приклучува на НАТО.
Неговата инвазија на Украина доведе до токму она од што најмногу се плаши Путин - натамошно проширување на НАТО, што Алијансата ѝ го носи на прагот на Русија.
BBC анализира како Путин би можел да реагира на одлуката на Финска.
Претседателот Путин во моментов има премногу работа во Украина за да преземе ненадејни чекори кон Финска. Руските војници стационирани во близина на границата со Финска долга 1.300 километри се преместени на југ. Сепак, со текот на времето, тој веројатно би можел да премести војници и проектили во близина на финската граница и да нареди зголемени патроли на морнарицата и воздухопловните сили.
Русија веќе некое време користи хакерски напади и сајбер шпионажа насочени кон повеќето европски земји. Треба да се очекува дека овие методи сега ќе се фокусираат конкретно на Финска и Шведска. Според веќе вообичаеното руско сценарио, официјално ќе биде негирана каква било вмешаност на Русија.
Путин сака да ги има на ум долгорочните цели и може да заклучи дека историската неутралност на овие две нордиски земји значи дека нивната одлука за влез во НАТО може да се промени. Рускиот претседател на тој начин би можел да се обиде да ги сврти Финците против НАТО со помош на онлајн ботови и лажни профили.