Заштитната маска стана дел од нашето секојдневие, па дури и кога станува збор одењето на плажа.
Така, брендот Elеxia Beachwear промовира трикини, станува збор за дводелен костим за капење со кој доаѓа и заштитна маска. Италијанската дизајнерка Тицијана Скарамуцо вели дека сè започнало како шега. Таа го направила првиот трикини со цел да ги расположи вработените, со оглед на тоа што нивното расположение опаднало поради пандемијата и економските последици од неа.
Меѓутоа, кога нејзината ќерка ги објавила фотографиите на Instagram, луѓето позитивно реагирале и веднаш биле заинтересирани каде можат да ги најдат.
Според Тицијана, тоа било сигнал дека овој производ има потенцијал на пазарот и затоа дизајнирала и други модели на трикини.
