Најдобриот кошаркар во НБА лигата за минатата сезона игра уште подобро во новава. Никола Јокиќ беше централната фигура и на натпреварот кој Денвер Нагетс го одиграа против Лос Анџелес Клиперс, а за оваа негова игра во наредните денови ќе зборува цела Америка.
Постигна 49 поени, оствари трипл-дабл учинок и беше асистент во решавачката тројка на својот тим, онаа за победа по продолжение. Тоа беше додавање што е реткост дури и во НБА, бидејќи Јокиќ веројатно беше единствениот во салата кој сфати како треба да ја испрати топката до Гордон.
Кога беше удвоен, а времето истекуваше, Јокиќ ја исфрли дијагонала во самиот агол од теренот, каде Арон Гордон беше подготвен да шутира тројка. Погоди и донесе победа, но тоа немаше да се случи доколку Србинот немаше своја вечер во НБА.
Јокиќ натпреварот го заврши со 49 поени, 14 асистенции и 10 скока, а имаше и три украдени топки за 41 минута на паркетот. Беше блиску до својот рекорд во постигнати поени, но поради победата над Клиперс веројатно нема да му биде жал што не го достигна.
Ова беше деветти трипл-дабл за Јокиќ сезонава, кој сега на вечната листа го надмина Џејмс Харден. Моментално ги има 66, а следна цел е легендарниот Вилт Чембрлен кој е на 6. место на историската листа со 78 вакви ефекти.
Инаку, натпреварот во Колорадо беше исклучително интересен бидејќи Нагетс успеаја да ја надополнат предноста на Клиперс од 8 поени на крајот од регуларниот дел, а потоа стигнаа до целосен пресврт по продолжение. Тоа беше трет триумф во последните четири натпревари за тимот на Јокиќ, па може да се каже дека резултатската криза е завршена.
Погледнете ја асистенцијата на Јокиќ за победа:
Покрај Јокиќ кој постигна 49 поени и имаше трипл-дабл, кај Денвер се истакнаа Гордон со 28 поени, Монте Морис кој додаде 18 и Џеф Грин со 12. Кај поразениот тим најдобар беше хрватскиот центар Ивица Зубац со 32 поена, додека Реџи Џексон постигна 28.
Резултати:
Филаделфија 76ерс - Орландо Меџик 123:110
Вашингтон Визардс - Бруклин Нетс 118:119
Атланта Хокс - Минесота Тимбервулвс 134:122
Бостон Селтикс - Шарлот Хорнетс 102:111
Мајами Хит - Портланд Треил Блејзерс 104:92
Чикаго Булс - Кливленд Кавалирс 117:104
Милвоки Бакс - Мемфис Гризлис 126:114
Далас Маверикс - Торонто Репторс 102:98
Сан Антонио Спарс - Оклахома Сити Тандер 118:96
Јута Џез - Хјустон Рокитс 111:116
Денвер Нагетс - Лос Анџелес Клиперс 130:128 (прод.)
Сакраменто Кингс - Детроит Пистонс 131:133
Лос Анџелес Лејкерс - Индијана Пејсерс 104:111
Табела:
