Тренерот на Челси, Томас Тухел, потврди дека германскиот дефанзивец Антонио Рудигер нема да го продолжи договорот со клубот и ќе замине бесплатно на крајот на сезоната.
Според англиските медиуми тој одбил плата од 12 милиони нето годишно.
Тренерот на Челси беше јасен во изјавата за Sky Sports за иднината на Рудигер:
„Ситуацијата е таква што тој сака да го напушти клубот. Ми го кажа тоа во приватен разговор. Дадовме сè од себе да го задржиме, но не можеме да продолжиме да се бориме поради санкциите под кои се наоѓа клубот. Без тие санкции, барем би можеле да продолжиме да се бориме, но рацете ни се врзани во моментов. Не го сфаќаме тоа лично, тоа е негова одлука“, рече Тухел и додаде:
„Тој е клучна фигура во нашиот тим и така ќе биде до крајот на сезоната. Многу ќе ни недостига бидејќи дава многу храброст и ентузијазам во соблекувалната. Тој е тип на играч од кој сите се плашат, од оние кои можат да играат 50 или 55 натпревари секоја сезона на неверојатно ниво. Тој е врвен дефанзивец во последните година и пол и ќе мора да најдеме решение“, објасни Тухел.
Во трка за потписот на Рудигер се Реал Мадрид, Јувентус, Манчестер Јунајтед и Барселона, а Telegraph откри дека Рудигер одбил фиксна плата од 12,2 милиони по сезона во Челси за продолжување на соработката.