Во своето прво обраќање кон запослените, Маск предупреди дека „банкротот не е исклучен“ доколку промените не бидат успешни.
Илон Маск, новиот сопственик и извршен директор на компанијата Twitter, за прв пат се обрати пред вработените, односно оние кои не добија отказ откако ја презеде платформата. Сепак, пораката која им ја пренесе не е воопшто охрабрувачка, бидејќи ги предупреди дека Twitter губи толку количини пари што „банкротот не е исклучен“.
Twitter нема остварено профит од 2019 година, а приходите од реклами значително опаднаа откако Маск го комплетираше преземањето, бидејќи многу огласувачи се повлекоа од платформата, а најбогатиот човек во светот изјави дека платформата може во 2023 година да изгуби неколку милијарди долари. Исто така, сугерираше дека иднината на оваа друштвена мрежа зависи од успехот на Twitter Blue претплатата. „Причината зошто агресивно трчаме по претплатници е за да го одржиме Twitter во живот“, рече Маск.
Тој на вработените повторно им го повтори својот став дека очекува да работат од канцеларија, поништувајќи ја претходната политика на компанијата за „работа од било кое место“. „Доколку сте физички способни да дојдете во канцеларија, а не се појавите - ја прифаќаме вашата оставка“, се закани Маск.
Изгледа како да преземањето на оваа платформа не оди според планот, особено откако корисниците ги покажаа сите слабости на освежената Blue претплата. Имено, корисниците кои се имаат претплатено на оваа услуга сега многу лесно можат да добијат сина икона за верификуван профил. Но, она за што компанијата очигледно не размислила е дека некој можеби ќе сака да ја злоупотреби оваа опција и да имитира познати личности и компании. Така, можевме да видиме како ликот на Супер Марио му покажува среден прст на „фицијалниот“ профил на Nintendo, а и многу други примери.
Издвојуваме некои од нив: