Twitter тестира функција која ќе им овозможи на корисниците да користат различни медиумски формати во еден единствен твит.
Ова значи дека корисниците ќе можат да додадат фотографија, видео и GIF на само еден твит. Оние кои користат Twitter знаат дека до сега можеше да се користи само еден вид медиумска содржина во твит. Досега корисниците можеа да додаваат до 4 фотографии, но не можеше да се додаде повеќе од едно видео или GIF во еден твит, ниту пак да се создаваат комбинации со фотографии.
Ажурирањето на кое работи Twitter содржи и ограничување на бројот на медиумски содржини, но сега е можно да се комбинираат, односно да се додадат фотографии, клипови и GIF на гореспоменатите 4 слота.
„Веќе некое време ја тестиравме новата функција на одредени профили, а тоа им овозможува на луѓето да комбинираат 4 медиумски содржини во еден твит, без разлика на нивниот формат. Гледаме дека луѓето имаат повеќе визуелни разговори на Twitter, користејќи фотографии , GIF-овите и клиповите би ги направиле тие разговори повозбудливи. Во овој тест сакаме да откриеме како луѓето комбинираат различни медиумски формати за да се изразат покреативно на Twitter покрај 280 карактери“, велат од Twitter.
Тестирањето е ограничено на одреден број профили во избраните региони. Сè уште не е познато кога новите функции ќе бидат достапни за сите корисници.