Турскиот претседател Реџеп Тајип Ердоган денеска изјави дека е уапсен осомничен за подметнување на шумските пожари во областа Милас во провинцијата Мугла.
„Едно лице беше уапсено во рамките на истрагата за пожарот во Милас. Се сомневаме дека тој е одговорен за подметнување на шумскиот пожар“, рече Ердоган.
Турските власти не ја отфрлија можноста членовите на Курдистанската работничка партија (ПКК) да бидат одговорни за подметнување на пожарите.
Шумските пожари избувнаа на 28 јули недалеку од одморалиштето Манавкат во провинцијата Анталија, поттикнати од високите температури во регионот. Потоа избувнаа пожари во неколку провинции, вклучувајќи ги Ајдин и Мугла.
Агенцијата за вонредни ситуации соопшти дека во пожарот загинале шест лица. 88 од 98 пожари се изгаснати.
